सोल
कोरियन कानुन तथा न्याय मन्त्रालयले डा. राजेश चन्द्र जोशी लगायत चार जना विदेशी मुलका कोरियाली नागरिकलाई विषेश सामाजिक सेवा गरेवापत यस वर्षको सम्मान सहित भिआइपि कार्ड प्रदान गरेको छ ।
कोरियाको अध्यगमन विभागबाट प्रदान गरिएको यस भि.आइ.पी कार्डबाट विदेश यात्रा गर्दा विमानस्थलमा कुटनीतिक तथा सरकारी कर्मचारीका रातो पासपोर्ट सरहको सुविधा मिल्ने छन् । कोरियन सरकारबाट यस्तो भि.आइ.पी कार्ड प्राप्त गर्ने आफु पहिलो नेपाली भएको डा. जोशीले बताए ।
चिकित्सा पेशा अपनाउदै आएका डा. जोशी २७ वर्षदेखि कोरियामा रहदै आएका छन् । कोरियन नागरिकसंग विवाह गरेका डा. जोशी बहुसंस्कृतीक परिवारको नीति निर्माणको सल्लाहकार समितिमा आबद्ध रहेका छन् भने कोरियामा रहेका नेपालीहरुलाई प्रत्यक्ष तथा टेलिफोनद्धारा स्वस्थ्य परामर्श प्रदान गर्दै आएका छन् । हाल ख्यइ०जु बृद्धबृद्धा अस्पतालमा कार्यरत डा. जोशीले कोरियाली संघ संस्थासंग मिलेर नेपालमा पनि विभिन्न सेवा पुराउदै आएका छन् ।
यसैगरी मन्त्रालयबाट सम्मानीत हुनेमा ताइवानी मुलका बाइ के, चिनिया मुलका किम हे मुन र भियत्नामी मुलका दो उनआ रहेका छन् ।
स्रोत फ़ोनिज कोरिया