सौल दक्षिण कोरिया,
दक्षिण कोरियाको ग्योङगी प्रान्तको ह्वासोङ सहरको एउटा कम्पनीमा विदेशी कामदारको मलद्वारमा औद्योगिक एयर गनबाट हावा हानी घाइते बनाउने ६० वर्षीय व्यवसायीलाई अदालतले ३ वर्ष जेल सजाय सुनाएको छ।
सुवोन जिल्ला अदालतका न्यायाधीश गु ना-योङले १५ तारिखमा धातु सफा गर्ने कम्पनीका सञ्चालक (६० को दशक) कोरियनलाई विशेष चोटपटक र श्रम मापदण्ड ऐन उल्लङ्घनको अभियोगमा ३ वर्ष जेल सजाय सुनाए। अभियोजकले ७ वर्ष जेल सजायको माग गरेका थिए।
अभियोजन पक्षका अनुसार मालेकाले गत फेब्रुअरी २० मा आफ्नै कम्पनीमा काम गर्ने ४० को दशकका थाई नागरिकको मलद्वारमा औद्योगिक एयर गन टाँसेर करिब ७ सेकेन्डसम्म उच्च चापको हावा हानेका थिए। यसले गर्दा सी को मलद्वार (रेक्टम) च्यातिएको थियो र उनी अस्पतालमा उपचार गराउन बाध्य भए।
घटनाकै दिन कम्पनी मालीकका दम्पतीले घाईतेलाई सुवोनको आजु अस्पताल लगे। त्यहाँ उपचार नपाएपछि उनीहरूले ११९ मा फोन गरे। उनीहरूले आएका एम्बुलेन्स कर्मचारी र प्रहरीलाई “ठट्टा गर्दा चोट लागेको” भनी साधारण दुर्घटना भएको बताए।
पछि “अर्को अस्पताल लैजान्छौँ” भन्दै उनीहरूले सी लाई बासस्थानमै छाडेको पनि अनुसन्धानमा देखियो। तत्काल आपत्कालीन शल्यक्रिया चाहिने अवस्थामा रहेका घाईतेलाई कम्पनी मालिकले “अवैध बसोबासी, प्रहरी” भन्दै हातमा हतकडी लगाएको सङ्केत गरिन्। स्वदेश नफर्केमा अवैध आप्रवासीका रूपमा प्रहरीमा उजुरी गर्ने धम्की दिएको आरोप छ।
अदालतको फैसला
कम्पनी मालिकले मुद्दाको क्रममा “एयर गन मलद्वारमा छिराएको होइन, लापरवाहीपूर्वक प्रयोग गर्दा मलद्वारतर्फ हावा गएको मात्र हो” भनी दाबी गरेका थिए।
तर न्यायाधीश गु ले पीडितको एकनासको बयान र चिकित्सकीय अभिलेखहरू हेर्दा मालिकले एक हातले पीडितको कम्मर समातेर नोजल मलद्वारमा छिराई ७–८ सेकेन्डसम्म हावा हानेको प्रमाणित भएको बताइन्। “पीडितले ‘दुख्यो’ भने पनि केही समयसम्म नरोकी हावा हानिएको देखिन्छ,” उनले भनिन्।
सजाय निर्धारणमा मालिकले पश्चात्ताप नदेखाएको कुरा पनि विचार गरिएको छ। न्यायाधीशका अनुसार पीडित पीडाले छटपटाउँदा मालिक हाँसिरहेका थिए। साथै अस्पतालले तुरुन्तै ठूलो अस्पतालमा शल्यक्रिया गराउनुपर्ने राय दिँदा पनि उनले घटना लुकाउन सोही रात पीडितलाई देश छाडेर जान दबाब दिए।
मुद्दा टुङ्गिएपछि पीडितसँग मिलापत्र गरी उनले सजाय नचाहेको कुरा मालिकका पक्षमा गएको भए पनि, अनुसन्धानदेखि अदालतसम्म अभियोग अस्वीकार गर्नु र अस्पतालको खर्च तलबबाट कटाउनुले उनले आफ्नो गल्तीमा पश्चात्ताप गरेको नदेखिएको अदालतले ठहर गर्यो।
अदालतले मालिकले अन्य विदेशी कामदारको टाउको थिच्ने र कपाल तान्ने जस्ता हिंसा गरेको आरोपमा पनि “ठट्टा थियो भन्ने कुरा प्रतिवादीको एकपक्षीय तर्क मात्र हो” भन्दै दोषी ठहर गर्यो।