उपचारको क्रममा निधन भएका शशी खतिवडाको उपचारमा भएको खर्च आर्थिक सहयोग जुटाइ भुक्तानी

आर्थिक सहयोगबाटै अस्पतालको उपचार खर्च तिरियो

उपचारको क्रममा गत् जनवरी 26 तारिखमा कोरियाको जेछन स्थित म्यङ्जी फ्यङवनमा दु:खद निधन भएका नेपाली सुनसरी इटहरीका शशी खतिवडाको उपचारमा भएको खर्च आर्थिक सहयोग जुटाइ तिरिएको छ। निजको उपचार खर्चको बिल 96,81,550 वन उठेकोमा अस्पतालले 30,00,050 वन छूट दिएपछि 66,81,500 वन तिरिएको हो। यसैगरी शववाहन खर्च 5,22,000 वन रहेकोमा 22 हजार वन छूट भई 5 लाख वन तिरिएको छ।
आर्थिक सहयोग सङ्कलन अभियानमा संलग्न सामाजिक अभियन्ता ब्रो तमुका अनुसार उक्त अभियानमा 205 जना सहयोगीहरूबाट 80,12,111 वन प्राप्त भएको र स्व. शशीसंग रहेको नगद 3,90,000 कोरियन वन समेत गरी अस्पताल र शववाहन खर्च 71,81,500 वन + निजको मोबाइल थेक्पे गरी पठाउँदा लागेको 1 लाख वन घटाइ बचेको 11,20,611 कोरियन वन मृतककी धर्मपत्नी शोभा खतिवडाको नाममा रेमिट गरी पठाइ अभियान सम्पन्न गरिएको छ।
जेछनमा कार्यरत सामाजिक अभियन्ता दिनेश भुजेलका अनुसार अकस्मात विरामी परेपछि शशी खतिवडालाई म्यङ्जी अस्पताल लगिएको थियो। वहाँमा क्षयरोग(TB),मधुमेह (Diabetes) आदि रोगले आँखा,घाँटी, फोक्सो आदि अंगमा जटिल संक्रमण गरेको देखिएपछि भेन्टिलेटरमा राखी उपचार गराउँदा गराउँदै दु:खद् निधन भएको थियो।
वहाँको मृत्यु पश्चात् नेपाली राजदुताबास कोरियाको अनुरोधमा NRNA कोरियाका अध्यक्ष वुद्धि गुरुङ्ग ज्यूले अस्पतालसंग समन्वय गरेपछि उपचार खर्च पछि तिर्नेगरी स्व. शशी खतिवडाको शवलाई यही फेब्रुअरीको 5 तारिखमा नेपाल पठाइएको र 7 तारिखमा घर पुर् याइ अन्तिम दाहसंस्कार गरिएको थियो।
“यस अभियानमा सहयोग गर्नुहुने सबै महानुभावहरूलाई हार्दिक धन्यवाद व्यक्त गर्दछौँ।”अभियानकर्मीहरूका तर्फबाट अभियन्ता राज थापा श्रेष्ठले आभार प्रकट गरे। नेपाली राजदुताबास सिओल, एनआरएनए कोरियाका अध्यक्ष वुद्धि गुरुङ्ग,एमटियु अध्यक्ष उदय राई, पूर्वी नेपाल समाजका सल्लाहकार जीवनकुमार थापा, फुटबल सङ्घ,कोरियाका अध्यक्ष ब्रो तमु,सुदूरपश्चिम समाज,कोरियाका संरक्षक लाल साउद, सामाजिक अभियन्ताहरू क्रमशः सुविन्द्र मगर,दिनेश भुजेल,राज थापा श्रेष्ठ, प्रेम लामा, पशुपति गुरुङ्ग,किशोर लिम्बु कान्छा,कुल श्रेष्ठ, विश्व अधिकारी, सुरेश कन्दहवा लिम्बु, गणेश थापा,धनसिंह धामी,अमृत सागर,दिनेश अधिकारी, प्रदीप राई लगायतको यो अभियानमा ठूलो सहयोग रहेको जनाइएको छ।

उठेको सहयोग रकम र खर्च सम्बन्धी:
(रकम कोरियन वनमा )
आय तर्फ
F2R जेछन नेपाली परिवार 12,85,000 प्रदिप राइको पहलमा 7,60,000
सुरेश कन्दहवा लिम्बुको पहलमा
12,62,000
लाल साउद र अन्य मार्फत 47,05,111
……………………………………………..
जम्मा सङ्कलन भएको 80,12,111
मृतकको साथमा रहेको नगद3,90,000
………………………………………………
कूल जम्मा 84,02,111

खर्च तर्फ :
हस्पिटलको बिल 66,81,500 शववाहन खर्च 5,00,000
थेक्पे शुल्क 1,00,000
…………………………………………………
कूल खर्च रकम 72,81,111

कुल आय 84,02,111
कुल खर्च – 72,81,500
……………………………………………….
बचेको 11,20,611

बचेको रकम रेमिट गरी पठाइएको!