सिओल
रोजगारीका लागि कोरिया पठाउने भन्दै केही व्यक्ति र संस्था मिलेर स्थानीय युवालाई तालिम दिएको फेला परेको छ । पानीजाहाज वेल्डिङको काम मिलाइदिने भन्दै इलामका सुरेन्द्र राई र कान्तिपुर मल्टी टेक्निकल कलेजले युवालाई तालिम दिएका हुन् ।
राईको मुस्कान इन्जिनियरिङ टेक्निकल इन्स्टिच्युट र कोरियाको भाषा पढाइरहेको इलाम बजारको कान्तिपुर मल्टी टेक्निकल कलेज यो कार्यमा संलग्न देखिएका छन् ।
कोरिया पठाउने नाममा अवैध रुपमा युवाहरुबाट पैसा उठाएको भन्दै सूचना पुगेपछि जिल्ला प्रशासन कार्यालयको अगुवाइमा बिहीबार अनुमान गर्दा अवैध धन्दा फेला परेको हो ।
अनुगमनका क्रममा दुई संस्थाले मिलेमतोमा प्रत्येक युवाबाट ९१ हजार रुपैयाँ उठाएर वेल्डिङको तालिम दिइरहेको फेला परेको थियो ।
यो समाचार आजको कारोबार दैनिकमा प्रकाशित छ ।