सौल दक्षिण कोरिया
इपिएस भिषा अन्तर्गत दक्षिण कोरिया प्रवेश गरि १० बर्ष काम गरि स्वदेश फर्किएर गुल्मीका कृष्ण खरेलले कोरियन प्रविधिको प्रयोग गरि व्यावसायिक कृषि फर्म सन्चालन गरेका छन ।
गुल्मिको गुल्मीदरबार गाउँपालिका १ बलिथुम चारखुट्टे स्थित रिभर साईड कृषि तथा पशुपंक्षी फर्म दर्ता गरि बिगत १बर्ष ६ महिनादेखी निरन्तर लागि परेका छन । कोरियामा उत्पादन सम्बन्धी काम गरेका कृष्ण खरेल कोरियामा रहदा कोरियन हरुको काम प्रतिको मेहन र लगनशीलताले प्रभावित भएका थिए ।
कोरियामा हुँदा कोरियाको कृषि फर्मको अवलोकन गर्दै कोरियाकै प्रबिधिलाई प्रयोग गर्दै नेपाल फर्किएर कृषि पेशामा लाग्ने अठोट लिएका थिए । रिभर साईड कृषि फर्मको लागि उनले ९ लाखको हाराहारीमा लगानी गरेका छन आधुनिक प्रबिधि अनुसार खोर निर्माण बाख्राको खरिदमा लगानी रहेको बताउँछन् ।
हाल उनको फर्ममा ४० वटा बाख्राछन । शुरु गरेको एक बर्षमा करिब दुई लाख बराबरको बाख्रा बिक्री गरेको बताउछ्न। अनुभवको कमि नेपालमा औषधि उपचार गर्ने संस्थाको कमि भएको कारण ११ ओटा पाठापाठी मरेका बताए ।
कृषि ब्यबसायमा लाग्न चाहने ब्यक्तिहरुको लागि सरकारले प्रदान गर्ने गरेको अनुदानको बिषयमा कृष्ण खरेल भन्छन ” सरकारी अनुदान प्राप्त गर्नको लागि प्रतिनिधिको नातेदार आफन्तको लागि अत्यन्तै सहज रहेको छ । जसको फर्म नै छैन कागजमा फर्म देखाउँछन अनि अनुदान लिन्छन यस्तो गैरजिम्मेवारपुर्ण कार्य भएको छ तर हामी जस्ताको लागि भने अत्यन्तै झन्झटिलो रहेको छ । एक त हामी बिदेश बसेर आएको यहाँको वातावरणमा घुलमिल हुन गाह्रो पर्ने शुरूवातमा, बिदेश बसेर आएको करोडौं कमाएको छ भन्ने जनप्रतिनिधिको मनोभावना, उनिहरुको आफन्त नहुनु यस्ता सोचले गर्दा राज्यको अनुदानबाट बन्चित हुनुपरेको बताए । यद्यपि अनेक झन्झटिलो प्रक्रियामा सामेल भएर ५० हजार अनुदान लिएको बताए ।
राज्यले आनुदान प्रणालीलाई प्रभावकारी बनाउन कृषि ब्यबसायमा लाग्नेलाई बेलाबखत तालिमको नामको तालिम नभएर अत्यन्तै प्रभावकारी तालिम , कृषि ब्यबसायमा हुने जोखिमको न्यूनीकरण , निशुल्क अथवा न्युन मुल्यमा औषधि उपचारको ब्यबस्था , कृषि फर्मको अनुगमन गर्ने संयत्रको निर्माण र संयन्त्रले बुझाएको प्रतिवेदन अनुसार फर्मको अवलोकन गर्ने अर्को निकाय हुने हो भने सरकारी अनुदान उचित ठाउँमा पुग्ने कुरामा विस्वस्त हुने बताए ।
कृष्णले कृषि ब्यबसायमा लगानी गर्ने बित्तिकै मनग्य आम्दानी गर्न नसकिने तर धैर्यता राखेर दीर्घकालीन सोचका साथ निरन्तरता दिने हो भने भविस्यमा राम्रो आम्दानी गर्न सकिने बताँछन । कृषि ब्यबसाय नेपालमा शुरूवात मात्रै भएको र कर्ममा बिश्वास गर्ने धैर्यता राख्न सक्ने मेहनत गर्नेहरुको लागि अन्त्यन्तै राम्रो पेशा रहेको र थोरै लगानिमा धेरै आम्दानी गर्न सकिने ब्यबसाय रहेको बताउछन ।
