कोरियाले यहि बिहीबार देखि कोभिड-१९ का बिरामीहरुलाई दिने एन्टिभाइरल चक्कीहरूको पहिलो ढुवानी प्राप्त गर्ने जनाएको छ। यो चक्की सरकारले ६५ वर्ष वा माथिका वृद्ध बिरामी र गम्भीर स्वास्थ्य समस्याहरूको जोखिमका इम्युनोकम्प्रोमाइज्ड बिरामीहरुलाई पनि प्रदान गर्ने भएको छ। स्वास्थ्य मन्त्रालयले बुधवार घोषणा गरे अनुसार प्याक्सलोभिडको २१,००० कोर्सहरू, फाइजरले विकास कोभिड -१९ चक्कीहरू बिहीबार आइपुग्नेछ र शुक्रबारबाट वितरण गरिनेछ।सरकारले औषधि कम्पनीबाट खरिद गरेको ७६२,००० मध्ये प्रारम्भिक ब्याचहरू रहेको र थप १०,००० थप डोजहरू जनवरीको अन्त्यसम्ममा ल्याई पुर्याउने अपेक्षा गरिएको छ।
प्रारम्भिक डेलिभरी अत्यधिक सीमित भएकोले, सरकारले प्राथमिकताको आधारमा योग्यता सीमित गर्ने निर्णय गरेको छ। ६५ वर्ष र माथिका व्यक्तिहरू र कमजोर प्रतिरक्षा प्रणाली भएकाहरु र जसले हल्का देखि मध्यम सम्मका कोभिड लक्षणहरू अनुभव गरिरहेका छन् उनीहरुलाई दिईने बताइएको छ।
घरमा नै उपचार गराइरहेका बिरामीहरूलाई चिकित्सकसँग सम्पर्कविहीन परामर्शद्वारा औषधिहरू तोक्न सकिन्छ। बिरामीका परिवारका सदस्यहरूले तोकिएको औषधि पसलबाट चक्कीहरू लिन सक्छन् वा स्थानीय सरकारी अधिकारीहरू वा फार्मासिस्टहरूले चक्कीहरू उनीहरूको घरमा डेलिभर गर्न सक्छन्।
“प्रारम्भिक आपूर्ति प्रयोग गरेर हाम्रो अनुमान छ कि प्रति दिन १,००० भन्दा बढी बिरामीहरूलाई मौखिक चक्कीहरू दिइनेछ,” उप स्वास्थ्य मन्त्री यू ग्युन-ह्युकले एक ब्रीफिंगमा भने।