सिओल
दक्षिण कोरियमा आफ्नै पुर्व प्रेमिकाकी आमाको हत्या र कान्छो भाइलाई घाइते बनाएको आरोपमा एक २६ वर्षीय युवकलाई शुक्रबार पक्रा’उ गरिएको प्रहरीले जनाएको छ ।
२१ वर्षीया पूर्व प्रेमिकाले आफूमाथि बलात्कार गरेको आरोपमा सोमबार प्रहरीलाई खबर गरेपछि अहिले उनी प्रहरीको सुरक्षामा छिन् ।
उक्त व्यक्तिले शुक्रबार दिउँसो पूर्वी सियोलमा रहेको उनको घर गएर उनको ४६ वर्षीया आमा र १३ वर्षीय भाइलाई छाती र घाँटीमा छुरा प्रहार गरेको सोङपा पुलिस स्टेशनले जनाएको छ।
आमाको पछि अस्पतालमा मृत्यु भयो र भाइको अवस्था गम्भीर रहेको प्रहरीले जनाएको छ । पूर्व प्रेमिका त्यतिबेला घरमा थिइनन् ।
आमासँग फोनमा कुरा गरिरहेका बाबुले घटनाको जानकारी दिएपछि प्रहरी घटनास्थलमा पुगेको थियो ।
प्रहरी आइपुग्दा आरोपित फरार भएका थिए र पछि छिमेकीको घरमा पक्राउ परेका थिए ।