दक्षिण कोरियामा गत महिना देखि कोरोना संक्रमितको संख्या दिनानुदिन दुईगुना हुँदै गएको मा बिगत ४ दिनदेखि यो संख्या क्रमश : घट्दो क्रममा रहेको छ । दक्षिण कोरियामा मार्च ९ बेलुकी ८ बजेसम्म कोरोना भाइरसको कारण ५३ जनाको मृत्यु भएकोे छ , ७ हजार ४७८ जना व्यक्तिमा कोरोना भाइरसको संक्रमण पुष्टि भएको छ । भने १६६ जना कोरोना संक्रमितको सफल उपचार पछि घर फर्किएका छन ।
फेब्रुवरी २९ तारेखमा ५८६ जना नयाँ सक्रमित भेटिएको थियो त्यस्तै मार्च १ गते केहि संख्या घटेर ४७६ जना नया संक्रमित भेटिएका थिए । मार्च २ मा यो संख्या बढेर ६०० जना नयाँ सक्रमित भेटिएका थिए । मार्च ५ गतेसम्म दैनिक ५०० को हाराहारीमा नयाँ सक्रमित भेटिएको थियो तर मार्च ६ गतेदेखि यो क्रम घट्दो छ । मार्च ७ मा ३६७ मार्च ८ मा २४८ र मार्च ९ मा यो संख्या निकै नै घटेर ९६ जना मात्रै नयाँ सक्रमित भेटिएका छन् । यसले के आशा दिलाउछ भने अब कोरियाले कोरोना संग जित हासिल गर्दैछ ।
थेगूमा मात्र संक्रमणको संख्या ५,५७१ जना पुगेको छ भने थेगू अपार्टमेन्टका एक तिहाइ मानिस बिरामी भएको कोरियाका सञ्चार माध्यमहरुले जनाएका छन् । छिमेकी प्रान्त ग्योंग्सान शहरमा पनि संक्रमण फैलिएको छ । ५३ जना संक्रमितको मृत्यु भएको छ भने मृत्यु हुनेमा ४५ जना ६० वर्ष उमेर माथिका रहेको तथा उनीहरु पहिल्यैदेखि स्वास्थ्यमा समस्या रहेको कोरियाको रोग नियन्त्रण तथा रोकथाम केन्द्रलाई उद्धृत गर्दै कोरियाका सञ्चार माध्यमहरुले जनाएका छन् ।
संक्रमण देखिएका मध्ये ६० प्रतिशत मानिस थेगुको शिन्चेन्जु चर्चमा आवद्ध रहेकाहरु छन् । शिन्चेन्जु चर्चबाट संक्रमण फैलिएको थियो । थेगु कोरियाको चौथौ ठूलो शहर हो जहाँ २५ लाख मानिसको बसोबास रहेको छ ।