दक्षिण काेरियाकि चर्चित पप गायिका र गीतकार नाहीकाे २४ वर्षको उमेरमा यहि नोभेम्बरमा ८ तारिक मृत्यु भएको हो । नहिको अन्तिम संस्कार आज ग्यांगगी प्रान्तको प्यांगटेकमा गरिँदैछ । उनको मृत्युको कारण अहिलेसम्म पनि थाहा हुन सकेको छैन ।
नहिको एजेन्सी र परिवार कसैले पनि मृत्युको कारणबारे केही पनि बताएको छैनन नाहीले इन्ष्टाग्राममा गरेको अन्तिम पोष्टमा अहिले कमेन्टको बाढी आएको छ । उनलाई श्रद्धाञ्जली दिनेको ओइरो लागिरहेको छ । मृत्यु हुनु भन्दा एक दिन अघि शेयर गरिएको यो पोष्ट अहिले भाइरल भएको छ । अन्तिम पोष्टमा गायिकाले आफ्नो मनमोहक सेल्फीसहित कयौं फोटो शेयर गरेकी थिइन् ।
पोष्टमा नहिको घरपालुवा कुकुरको पनि कयौं फोटा थिए । नाहीले सन् २०१९ मा सिंगल एल्बम ब्लु सिटीको साथमा इन्डी गायिका, गीतकारको रुपमा आफ्नो करियर शुरु गरेकी थिइन् । उनको ब्लु नाइट र ग्लुमी डेज गित निकै चर्चित छ । यस अघि उनले चार महीना अघि आफ्ना फ्यानका लागि रोज ल्याएकी थिइन् ।