२० बर्षको उमेरमा उमेरलाई १६ बर्ष बढाएर ३५ बर्षे कोरियन केटिसंग फेक म्यारिज भिषामा कोरिया प्रवेश गरेका एक नेपाली युवाले कोरिया १६ बर्ष काम गरेर घर फर्किदा १६ रुपैयाँ लैजान सकेनन ।
झट्ट सुन्दा यस्तो पनि होला र ? भन्ने प्रश्न जो कोहिको मनमा आउन सक्छ तर यो घटना एकदम सत्य हो । म्यारिज भिषामा कोरिया प्रवेश गरेपछी उनको केही समय मानै एक जना नेपाली युवतिसंग भेट हुन पुग्यो । उक्त नेपाली युवती पनि म्यारिज भिषामा कोरिया आएकी रहिछन तर यिनको बिबाह भने फेक नभएर कोरियन संग सत्य बिबाह थियो ।
कोरिया आएको केही समयमा नै यी दुवै अत्यन्तै नजिकिन थाले । यति सम्म कि उनिहरु काम छुट्टाछुट्टै गर्ने तर बेलुकी संग बस्न थाले । यो बिचमा फेक म्यारिज गरेर आएको युवाको कोरियन केटिले अनावश्यक पैसा माग्ने नत्र भिषा थप्न सहयोग गर्दिन भन्ने झन्झटले गर्दा भिषा थप्न समस्या भैरहेको थियो । नेपाली युवतिले भिषा नथप्न सल्लाह दिएकी थिईन बरु पछि हामी बिहे गएपछी कोरियन नागरिकता प्राप्त गर्न सकिन्छ भन्ने सल्लाह मानेर उसले भिषा थपेन । र कोरियाको बसाईमा भिषा नभएको ब्यक्ती बन्न पुग्यो ।
फेक म्यरिज गरेर आएको अविबाहित युवाले उक्त नेपाली युवती जुन कोरियन संग बिबाह गरेकी आएकी थिईन त्यससंगै कारिएको बसाई बुढाबुढि जसरी बिताएका थिए । उक्त नेपाली युवतीसंग सङै बसेको ८ बर्षपछी मात्रै युवकलाई थाहा भयो कि युवतीको नेपालमा २ जना बच्चा छ डिभोर्स गरेर आएको हो भनेर ।
त्यस परिस्थितिमा युवकलाई छाँगाबाट खसेजस्तो भान भएको थियो । तर नेपालमा भएको श्रीमानसंग डिभोर्स गरिसकेको र यहाँ कोरियन संग पनि नबस्ने आफैसंग बुढाबुढी जसरी बस्ने भएकोले युवकले पनि त्यसलाई बिर्सेर सम्बन्धलाई निरन्तरता दिएको थियो ।
युवकले यति बिश्वास गर्यो कि कमाएको सम्पुर्ण पैसा युवतीमार्फत नेपालमा घर जगा किन्ने युवतीकै नाममा राख्ने काम गर्यो । कोरियाको इन्छनमा दस बर्षको बसाई पछि कोरियाको अन्य ठाउँमा सरेका उनिहरुले त्यहाँ एउटा नेपाली रेष्टुरेन्ट खोलेका थिए । रेष्टुरेन्ट खोल्नमा पनि युवकले लगानी गरेको छ ।
नेपाली रेष्टुरेन्ट राम्रै चलिरहेको थियो । युवकले कुकको काम गर्थो भने युवती रिसेप्सनको काम गर्थिन । समय बितिरहेको थियो सम्बन्ध पनि राम्रै चलिरहेको थियो । केही समयपछी युवतिको व्यबहारमा परिवर्तन हुँदै आएको युवकलाई भान हुन थाल्यो । युवती बाहिर जाने २/४ घण्टा हराउने हुँदै कहिलेकाही घरमा नआउने गर्न थालीन ।
एक दिनको कुरा युवतीलाई फलो गर्दै जादा एक जना नेपाली युवकसंग रंगेहात कोठामा फेला पार्न पुग्यो । त्यसपछी युवकलाई सह्य भएन उसको रिसको सिमा रहेन जो संग सोह्र बर्षदेखी बुढी मानेर सम्पुर्ण बिश्वास गरेर सबै सम्पती सुम्पिएर बसेको छ उसैलाई यो अबस्थामा देखेपछी युवकले युवतिलाई दुई झापट लगाई दिएछ ।
त्यत्तिकैमा युवतिले लैंगिक हिंसामा प्रहरिमा उजुरी गरिछन युवकको भिषा नभएकोले प्रहरिले समातेर तत्काल नेपाल पठाईदिएछ । १६ बर्ष कोरिया बसाइमा उनले कमाएको करिव ५ करोड रुपैयाँ युवतीले आफ्नो पोल्टामा पारिसकेकी थिईन भने युवकले १६ रुपैयाँ समेत लैजान सकेन । प्रहरीले समातेपछि युवकले घाँटीमा लगाएको सुनको सिक्री समेत युवतिले मेरो हो भनेर फुकाल्न लगाएकी थिईन ।
हाल उक्त युवक खाडी मुलुकको भिषा लगाएर पर्खी बसेका छन । कोरियामा युवतिले उनैले लगानी गरेको रेष्टुरेन्ट संचालन गर्दै छिन भने नेपालमा घर जगा सपिङ्ग कम्प्लेक्स खडा गरेकिछन ।
यो सत्य घटना हो । सचेतनाको लागि कसैको पनि नाम नखुलाएर कथाको रुपमा लेखिएको हो । सचेत रहनुहोला बिदेशमा आएर १००% बिश्वास कसैलाई पनि नगर्नुहोला । रमाईलो गर्नुहोस दुख गरेर कमाएको पैसालाई आफैले बचत गर्नुहोस । सकारात्मक सोच राखौं ????