सौल दक्षिण कोरिया
दक्षिण कोरियाले दुईडोज खोप लगाएर बिदामा स्वदेश गएर फर्केकाले क्वारेन्टाइन बस्नु पर्ने ब्यबस्थालाई गत महिनाबाट खारेज गरेको थियो । तरा कोरोना भाईरसको अर्को नयाँ भेरिएन्ट कोरियामा भेटिए लगत्तै कोरिया प्रवेश गर्ने जो कोहिले पनि अनिवार्य रुपमा १० दिन क्वारेन्टाइन बस्नुपर्ने ब्यबस्था गरेको छ ।
भने बिगतमा जस्तै कतै जहाजहरु बन्द भएर कतै कोरिया जानै नपाईने हो कि भन्ने तनाव स्वदेश फर्किएकालाई भएको बेला क्वारेन्टाइन बस्नुपर्ने समस्या अर्को पट्टि तेर्सिएको छ । कोरियामा काम गर्ने प्राय नेपालीहरु कम्पनी संगै रहेको कोठामा साथीहरू संगै बस्ने भएकोले क्वारेन्टाइन को लागि उपयुक्त नहुने हुंदा बाहिरै कोठा खोजेर १० दिन बस्नुपर्ने भएको छ ।
यहि बाध्यात्मक परिस्थितिको मौका छोपेर कोरियामा क्वारेन्टाइनको ब्यबस्था गरिदिनेले १० दिनको ८ देखि १५ लाख वन कोठाको भाडा मात्रै लिने गरेका छन भने त्यसमा खाना खर्च लिने गरेको कोरियामा प्रवेश गरेका नेपालीहरुले गुनासो गरेका छन ।
ओमिक्रोनको त्रासले प्रायले छुट्टी छोट्याएर फर्किदा क्वारेन्टाइनको कोठा नपाईने बहाना बनाएर थप शुल्क लिने गरेको गुनासो गरेका छन । यो संकटको घडिमा दैनिक गुजाराकै लागि प्रवास पसेका नेपाली दाजुभाईलाई सेवा र सहयोग गर्नुपर्नेमा एक नेपालीले अर्को नेपालीलाई ढाड नै सेक्ने गरि यसरी ठग्ने कुनै पनि ब्यापारी व्यावसायिको आत्माले कसरी मानिरहेको छ ?